pasasalamat

[ranberzul]

Para sa aking mga magulang
Na hindi nakatapos ng pag-aaral
Salamat sa inyong nakaraan
Ito’y aking naging puhunan

Salat man sa karunungan
Pilit na iginapang
Pagtatapos ng pag-aaral
Ating napagtagumpayan

Kamag-anak ay naglalayuan
Kapag tayo ay nangungutang
Hindi na nga nakahiram
Sermon pa ang nakamtan

Pamasok na tsinelas
Suot sa paglalakbay
Aakalain mo bang
Sa ibang bansa mapapadpad

Aking tagumpay
Sa inyo ay alay
Isang pasasalamat
Aking maibibigay

Hindi ko man masabi
Ako’y mabuting anak
Ang inyong pangaral
Aking dala kahit saan

Salat man sa laruan
Na mapaglilibangan
Basta kayo’y kapiling
Lubos ang kasiyahan

Gutom man ang tiyan
Busog naman sa karanasan
Sa iyong pagsubaybay
Kamangmanga’y nalagpasan

Saan man magpunta
Pangala’y dala-dala
Sa bawat tagumpay
Papuri'y sa inyo ay alay

[chubby_kulot]

ranberzul san

ang galing mo naman gumawa ng mga tula...
nakakakabog dibdib talaga... [ i mean touch po ako...]
pumapasok sa kaibuturan ng aking pagkatao ang bawat salita na siyang binibigkas sa iyong tula... tulad ng nasa tula mo, pareho lang ng sa pamilya ko..
at tulad mo utang ko rin sa mga magulang ko kung ano man ang kinalalagyan ko ngayon...

ipagpatuloy mo lang ranberzul san... :king: at ibilang mo na ako sa mga dumarami mong taga subaybay sa bawat tulang ipapaskil mo dito sa timog :sweeties:

[docomo]

@ranberzul
.. the words flow very well ... beautiful thing . keep writing ne, it's a good stuff :)

[mOtt_erU]

Hi Ranberzul.....:)
Very Nice poem... NAKISISO na tuloy ako...