kalaro

[ranberzul]

Sa buong araw ika’y kalaro
Kasama sa pag-akyat ng puno
Manunungkit may dalang buslo
Pag hindi naabot ay binabato

Laging may dalang posporo
Gagamba’y doon itinatago
Tutubing limilipad sa damuhan
Pag nahuli’y pakpak ay pinuputulan

Kasabwat sa pagtakas sa bintana
Palakpak lamang ang hudyat
Nang malaman ng lahat
Sipol ang ipinangtapat

Sa pagtalon sa luksong baka
Di maiwasang sumpungin ng hika
Teks na walang kamalay-malay
Numero’y gigawang pang lucky nine

Puno ng ipil-ipil ay tinatagtag
Para salagubang ay malaglag
Saranggolang nasa himpapawid
Nananalangin pisi’y wag mapatid

Sa pagsinghot ng tumutulong uhog
Sa kabilang butas naman lumulusot
Kaya’t sa tuksuhan binansagan kang onse
Nanlilimahid sa dungis hanggang pisngi

Alas singko dapat nang umuwi
Kung hindi’y may kurot sa singit
Pag iyong nakakaligtaan
Pinupuntahan ka ng lola mo sa laruan

Nang ika’y niyayang matulog
Buong bahay ay nabulabog
Sa panaginip ikaw ay umiihi
Kaya ang kamay ay naging mapanghi

Minsan nagkakaasaran
Minsan namay nagkakapikunan
Pag minamalas nagkakasuntukan
Hanggang sa magulang ay magkasuguran


Sa pag-ikot ng turumpo
Panahon ay nababago
Tulad ng larong taguan
Ikaw ngayon ay naglaho

Magkapatid kung magturingan
Saksi sa aking kabataan
Masarap pag binabalik-balikan
Mga pangyayaring mahirap ng makalimutan

[docomo]

Beautiful! Those precious memories , I wouldn't trade it for anything .. :)

[poulain]

haaaay i missed my old days.. my childhood friends... kaaliw...

[hayaren]

looking back how life was during my childhood, the laughter, giggles, sighs....fun, fun and fun...I missed those tots building the foundation of my childhood everyday spent with them was a day like no other!:)

[mOtt_erU]

.............haay Natsukashii naman yung Childhood days ko..:(