nena

[ranberzul]

Nena

Si Nena ay sanggol pa
Kaya ang sabi niya
Ay ganito….
Uhmmm… ahhh… uhmmm… ahhh… ahhh…

Si Nena ay bata pa

Walang muwang sa mundo
Sa kanto’y laging nakatayo
Bitbit na sampaguita ay inilalako
Sa nakakasalubong na estranghero

Si Nena ay dalaga na

Hindi nakatapos ng pag-aaral
Pag-ibig ang inatupag
Di na umuwi sa bahay
Sa kalsada’y naging tambay

Si Nena ay may asawa na

Araw-araw nagbabangayan
Laging may pasa sa katawan
Sarili’y napabayaan
Kanyang asawa’y siya’y iniwan

Si Nena ay may anak na

Walang pambiling gatas
Sa kahirapan hindi makaagpas
Supling ay ipinaampon
Para maitawid sa gutom

Si Nena ay matanda na

Inihapo ng karamdaman
Sa mahal ng gamot di nalunasan
Sa ospital walang pambayad
Doktor siya’y ipinagtabuyan

Si Nena ay patay na

Wala ni isang kamag-anak
Kinalimutan ng mga anak
Bangkay ay pinabayaan
Modus operandi’y pinag saklaan

[mOtt_erU]

hi:)

Alam mo I heard na about this song...
kaso it`s way funnier at pambata.

Pero etong nabasa ko somehow I felt certain Sadness sa end part.:(
Hindi ko inakala na yung Pambatang Song na "Nena" ay may ganitong Counterpart pala.